РЕПУБЛИКА МАКЕДОНИЈА

МИНИСТЕРСТВО ЗА ЗДРАВСТВО

Со цел воспоставување соработка, како и зајакнување и унапредување на постојната соработка со реномирани здравствени установи и медицински центри во светот, Министерството за здравство објавува

ОГЛАС ЗА ИЗРАЗУВАЊЕ ИНТЕРЕС

 За ангажирање надворешен соработник на Министерството за здравство, за воспоставување контакти и развој на соработка со странски здравствени установи и еминентни доктори од областа на медицината.

Ангажираниот соработник треба да ги исполнува следните услови:

-          Стекнато најмалку петгодишно работно искуство како доктор по општа медицина

-          Одлично познавање англиски јазик, за кое треба да поседува соодветно признание (TOEFL или друга меѓународно призната диплома)

Ангажманот на соработникот ќе се состои од воспоствување контакти со реномирани странски болници, како и непосредни контакти со врвни доктори, со цел разгледување на можностите за нивно ангажирање за обука на македонските доктори.

Од соработникот се очекува да покаже исклучителни вештини на комуникација и менаџирање на професионалните контакти, што ќе резултира со склучување меморандуми за соработка со најмалку три здравствени установи месечно, како и воспоставување соработка со најмалку тројца еминентни доктори од земјите-членки на OECD, на месечно ниво.

Ангажманот вклучува посета и престој во странски држави, согласно потребите.

Заинтересираните кандидати можат да испратат кратка биографија (CV) и потврда за познавање на англиски јазик на адресата за контакт: dragana.ruseska@zdravstvo.gov.mk, најдоцна во рок од 10 дена од денот на објавувањето на огласот.

Почитувани,

Во прилог е ажурираниот распоред за престојните обуки на матични лекари.

Ажуриран распоред

Доколку имате било какви нејаснотии, испратете маил кон info @ zdravstvo.gov.mk

Со почит,

Министерство за здравство

Бројот на пациенти кои изминатиот месец не дошле на закажаниот термин и истиот не го откажале е за 42 отсто намален во однос на претходниот месец, покажала анализата на податоците од системот МојТермин. 

Министерството за здравство почнува со реализацијата на пилот-проект за промоција на физичка активност и развивање спортски вештини по пливање кај деца со Даунов синдром. Проектот е дел од Програмата за јавно здравје на Министерството за здравство за 2015 година. Активностите се реализираат преку Заводот за физикална медицина и рехабилитација-Скопје, каде ќе се одржуваат бесплатни часови по пливање  за овие деца. 

Целта на овој проект е подобрување на психофизичка состојба на децата со Даунов синдром, како и унапредување на нивниот севкупен развоен потенцијал. Светските искуства, посочи министерот, покажуваат дека стимулацијата и редовната физичка активност е најдобар третман за деца со Даунов синдром, истакна на прес-конференција министерот за здравство Никола Тодоров.

Нагласи дека часовите по обука за пливање ќе се одржуваат четири пати неделно по еден час почнувајќи од 17 часот, а едукацијата ќе ја спроведуваат врвни спортски тренери и асистенти со завршен Факултет по физичка култура, под водство на проф. д-р Наташа Мешковска, во соработка со Центарот за Даунов синдром.

– Децата кои ќе ги посетуваат часовите за обука за пливање пред нивното почнување ќе треба да направат соодветен здравствен преглед. Физичката активност, игрите и рекреацијата се методи кои на децата им помагаат да го развијат тонусот на мускулатурата и да ја развијат моториката. Воедно, со активноста како што е пливањето се поттикнува и тимска работа, се развива дисциплината и се зголемува социјализацијата на децата.

Појасни дека пливањето како активност за децата со Даунов синдром е веќе докажана практика во многу земји и за таа цел постои и Меѓународна пливачка организација за лицата со Даунов синдром, која овозможува тие да се натпреваруваат во пливање во различни категории на меѓународно ниво.

Дауновиот синдром, потенцира министерот, не е болест, туку хромозомска состојба која е предизвикана од присуство на еден хромозом повеќе.

- Светската статистика покажува дека на секои 600-1.000 породувања, се раѓа дете со Даунов синдром, а во овие граници се движат случаите и во Македонија.Според статистиката на Институтот за јавно здравје, во Македонија годишно се регистрираат околу 12-17 случаи на деца со Даунов синдром до едногодишна возраст кои се испитани и потврдени на Клиниката за детски болести. Според податоци на Заводот за ментално здравје, во периодот од 1987 до 2014 година регистрирани се 305 лица со Даунов синдром до 18-годишна возраст, рече Тодоров.

Во завршна фаза, посочи, се подготвителните активности за овој проект, а во изминатите неколку месеци комплетно е обновен базенот во Заводот за физикална медицина и рехабилитација.

Активностите ќе почнат од следниот месец, односно од почетокот на 2015 година, заинтересираните родители може да се обратат до Секторот за превентивна здравствена заштита, при Министерството за здравство, одговорно лице: прим. д-р Сузана Маневска, контакт телефон: 02 3 211-176.

РЕПУБЛИКА МАКЕДОНИЈА

МИНИСТЕРСТВО ЗА ЗДРАВСТВО

Со цел унапредување на директната комуникација на пациентите со раководството на јавните здравствени установи и градење пациент-центричен здравствен систем, во секоја здравствена установа од секундарно и терциерно ниво се определени приемни денови за пациенти кои сакаат да упатат поплака, предлог, пофалба или сугестија за работењето на установата.

Во продолжение е табела со приемни денови , со точно одреден ден и час во кои пациентите и заинтересираните странки можат да се обратат директно до директорот или главната сестра и да им посочат на одреден проблем со кој се соочиле, да дадат предлог или пофалба за работењето на установата.

Листата на лекови од паралелен увоз со важност од 10.12.2014та

Табела лекови од Паралелен увоз од 10.12.2014

Почитувани, во моментов нема активни тестирања.

Камера 1

Камера 2

Од следната година двојно ќе се зголеми бројката на медицински лица кои ќе посетуваат обука во некој од врвните медицински центри. Медицинскиот персонал ќе учи од најдобрите и најсовремени центри.

Идната година околу 1.000 лекари и друг медицински персонал ќе посетуваат обука во најреномирани светски болници.  Само во јануари на едукација ќе заминат 100 лица, а ќе се прошири и мрежата на медицински центри со кои министерството за здравство има склучено соработка за напредни обуки во пет области: операција на колено, дигестивна хирургија, офтамологија, неонатологија и ендокринохирургија-  за овие интервенции по тројца доктори ќе се испраќаат во најпознатите центри во Европа.

„По враќањето тие треба да дојдат во Македонија заедно со својот ментор да ја воведат новата метода овде и да едуцираат уште најмалку уште двајца во текот на годината потоа. Во текот на втората година менторот треба повторно да дојде во Македонија и да изврши евалуација на квалитетот на едукацијата што ја направиле докторите кои претходно биле обучени во странство“, нагласи министерот Тодоров на вчерашната отворена владина седница.

Ова е значаен чекор за македонското здравство, бидејќи за грижата на пациентите не е доволно само нова опрема, туку и квалитетен медицински персонал.

Годинава на обука беа испратени 514 лекари и медицински персонал во врвни европски центри и во САД,од кои  29 се едуцираа во најдобриот медицинскиот центар Роналд Реган во САД.

Вовед

100 наслови на клнички упатства вклучени во програмата за едукација

1. Неврологија
2. Неврохирургија
3. Кардиологија
4. Инфектологија
5. Гинекологија и акушерство
6. Гастроентерохепатологија
7. Ендокринологија
8. Детска хирургија
9. Дерматологија
10. Урологија
11. Токсикологија
12. Ревматологија и физикална медицина
13. Пулмологија
14. Психијатрија
15. Пластична хирургија
16. Педијатрија
17. ОРЛ
18. Офталмологија
19. Неврологија

Осумгодишно девојче со сколиоза и сериозен деформитет на ‘рбетниот столб успешно е оперирано во новоформираниот Центар за спинална хирургија, кој функционира во рамки на Универзитетска клиника за трауматологија, ортопедски болести, анестезија, реанимација, интензивно лекување и Ургентен центар (ТОАРИЛУЦ) во Скопје. Оваа прва ваква сложена интервенција во Македонија, како и уште четири интервенции ги изврши реномираниот ортопед-трауматолог од Истанбулскиот универзитет Уфук Талу заедно со македонски хирурзи од ТОАРИЛУЦ.

По тој повод, министерот за здравство Никола Тодоров го посети Центарот за спинална хирургија и изјави дека во Центарот досега инвестирале околу 40 милиони денари. Посочи дека комплетно биле реконструирани две операциони сали, просторија за интензивна нега и просторот пред салите.

- Беше набавена комплетно нова опрема која е потребна за изведување на овие сложени интервенции. Во овој момент има уште една постапка за набавка на дополнителна опрема за навигација во висина од 40 милиони денари со што овој Центар ќе се вброи меѓу врвните центри и ќе се овозможи сите интервенции од оваа област да може да се работат во Македонија. Значи, целиот Центар ќе биде инвестиција вредна 80 милиони денари, посочи Тодоров.

Истакна дека со докторите од Турција се во преговори да бидат присутни во Центарот барем еднаш во текот на месецот определен број денови и заедно со македонските колеги да ги изведуваат најтешките интервенции кои не се работеле во Македонија.

Тој појасни дека македонските доктори ќе бидат едуцирани да можат да ги изведуваат тие интервенции, по што и самостојно ќе може да ги работат.

- За тоа во активни преговори сме со Универзитетот од Истанбул со кој имаме одлична соработка, наредните денови ректорот треба повторно да дојде во Македонија и тогаш ќе ги финализираме сите разговори. Му честитам на целиот македонски тим доктори кои заедно со докторот од Турција изведуваат сложени интервенции, додаде Тодоров.

Директорот на ТОАРИЛУЦ, Реџеп Селмани рече дека освен што се развива една област која решава комплексни состјби за ‘рбетниот столб, со оваа инвестиција многу се подобрени условите за целата клиника.

Хирургот Љупчо Николов истакна дека за овие неколку дена направиле многу тешки интервенции опфаќајќи повеќе области и повеќе проблематики од областа на спиналната хирургија, како инфекции, тумори, деформитети, конгенитални деформитети, сколиози…

- Ова е само еден почеток, но мислам дека стигнавме до момент каде ќе можеме под менторство на поискусните колеги да направиме голем напор во оваа област и да бидеме спремни да им понудиме на граѓаните повисоко ниво на здравствена услуга, рече Николов. 

Потенцира дека интервенцијата врз осумгодишното девојче траела повеќе од осум часа, тоа сега е на интензивна нега во стабилна состојба и закрепнува. 

Тодоров појасни дека 10 до 15 пациенти секоја година се испраќале на лекување во странство од оваа област.

- Се надевам дека со овој концепт на постоење на Центарот за спинална хирургија и постојана едукација и тренинг од страна на странски доктори ќе можеме во еден период комплетно да се осамостоиме и сите интервенции да ги извршуваат наши хирурзи, додаде министерот Тодоров.

Во текот денов ќе биде извршена уште една интервенција во Центарот, а со утрешната седма интервенција ќе се заокружи овој стручен престој на реномираниот ортопед-трауматолог од Истанбулскиот универзитет Уфук Талу

Руралните доктори за 9 месеци прегледале 73 820 пациенти. Нерегулиран висок крвен притисок и покачено ниво на шеќер во крвта се најчестите дијагнози кои биле детектирани кај жителите од руралните места, а бидејќи немале соодветен пристап до здравствена заштита, претходно не биле свесни за нивната состојба. Добиле стручен совет како и насоки за натамошни лекарски испитувања и бидејќи ги постигнале очекувањата, руралните доктори во иднина со плус здравствени услуги за пациентите.

- Овие тимови во било кој пункт, односно во кое било населено место, може да земат крв за лабораториска анализа, а резултатите од анализата се испраќаат на пациентот по електронска пошта или пациентот ги зема резултатите на наредниот термин. Со цел унапредување на здравствената заштита на жителите од руралните средини, набавени се 50 ЕКГ-апарати за потребите на проектот Рурален доктор, со што ќе го прошириме опсегот на здравствени услуги кои ги обезбедуваат руралните доктори, изјави на прес-конференција министерот за здравство, Никола Тодоров.

Најмногу прегледи биле направени во скопскиот регион -7316, а следни се кумановскиот и тетовскиот. Според податоците од МојТермин, руралните доктори пропишале над 25 илјади рецепти, а дури 6000 биле за лекот еналаприл за висок крвен притисок.  

Во оваа насока, веќе од следната недела почнуваме со отворање рурални аптеки (аптеки во населени места до 3.500 жители), додека во населени места до 1.000 жители, жителите ќе може да ја подигнат потребната терапија од подвижна аптека, изјави Тодоров.

Медицинските тимови од проектот Рурален доктор обезбедуваат здравствена заштита за 359.283 жители во 309 отворени пунктови како и 538 населени места каде граѓаните ги посетуваат патронажни служби. оваа година биле вработени 27 лекари и 24 медицински сестри, а отворена е и можноста за нови вработувања наредната година.

Според најавата на метео-алармот од Управата за хидрометеоролошки работи, во текот на денешниот ден (вторник, 30 декември) три региони од државата се зафатени со пониски температури кои ја дефинираат жолтата, односно предупредувачка фаза.

Станува збор за охридско-преспанскиот, полошкиот и осоговско–малешевскиот регион, каде температурите ќе се движат од – 10 до – 17 Целзиусови степени, посебно во утринските часови.  Се очекува до крајот на неделата да преовладуваат пониски температури во овие региони.

Граѓаните од целата држава, а особено од градовите: Тетово, Гостивар, Дебар, Охрид, Струга, Ресен, Берово, и др., треба да ги почитуваат општите препораки за заштита од ниските температури, како што се: носење топла облека и соодветни обувки за снег или мраз, редовно конзумирање топли напитоци, избегнување подолг престој на отворено освен ако не е неопходно, како и внимателно движење по лизгави површини.

Согласно препораките, посебно треба да внимаваат ранливите категории население, како што се повозрасните и хронично болни лица, кои покрај почитувањето на општите препораки, треба и редовно да ја земаат пропишаната терапија.

Детални информации за појавата на студени бранови континуирано се достапни на веб-страната http://www.studenibranovi.mk/.

Девојче тешко 3,5 килограми е првото родено дете во 2015 година. Мајката Оливера Лазаревска од Кавадарци, се породила веднаш по полноќ, со царски рез на Универзитетската клиника за гинекологија и акушерство и е во добра  здравствена состојба.

- Првото бебе родено оваа година е трето дете на семејството Лазаревски. Му посакуваме многу здравје и среќа, изјави министерот за здравство Никола Тодоров кој денеска заедно со министерот за труд и социјална политика, Диме Спасов  и градоначалникот на Скопје, Коце Трајановски ја посети гинеколошката Клиника.

Тодоров, Спасов и Трајановски на мајката традиционално и подарија златна монета и плакета.

Лазаревска со оглед дека е мајка на три деца, десет години секој месец ќе прима надомест од околу 8.000 денари. Моментно ваквата бенефиција ја користат 17.686 мајки.

На семејството Лазаревски многу здравје, среќа, успех и бериќет им посака и градоначалникот Трајановски.

Женското бебе Миа има две поголеми сестрички од 18 и 16 години.

Според директорката на Клиниката за гинекологија и акушерство Марија Хаџилега, од полноќ до сега имало три породувања од кои покрај првото женско бебе на свет се донесени уште две машки. Едното од нив е бебе на медицинска сестра вработена во Клиниката.

Изминатата 2014 година Клиниката за гинекологија ја завршила со 6.000 породувања

На 9. јануари ќе почне со работа педијатриски пункт во поликлиниката „Јане Сандански“ во населбата Аеродром со цел зголемување на достапноста на педијатриските здравствени услуги во кој било дел од денот. Пунктот ќе работи секој ден од 19:30 до 23 часот, а во недела од 8 до 23 часот и ќе бидат ангажирани околу 70 доктори педијатри и 70 медицински сестри.

Ова денеска на прес-конференција го истакна министерот за здравство Никола Тодоров, кој рече дека се одлучиле за овој проект затоа што во текот на вечерните часови од 19:30 часот до 23 часот, како и за време на викендите особено во недела од 8 часот изутрина до 23 часот има поголем број пациенти педијатриски случаи на Клиниката за детски болести во Скопје и на Институтот по белодробни заболувања кај децата-Козле.

Нема да биде потребен упат за добивање на услугите во пунктот што значи дека ќе се намали времето на чекање. На овој начин ќе ја растовариме Детската клиника во која навечер доаѓаат и по 100 пациенти, дел од кои се само амбулантски прегледи и може многу лесно да биде дадена здравствена услуга и во вакви здравствени пунктови. Во пунктот ќе работат педијатри од Детската клиника, Институтот за белодробни заболувања кај децата-Козле, Здравствен дом Скопје, како и педијатри кои имаат договор со ФЗОМ како приватни здравствен установи, потенцира Тодоров. Во пунктот ќе има и лабораторија во која ќе работат лаборанти од Универзитетската клиника за биохемија.

– Отворањето на педијатрискиот пункт ќе биде од извонредно значење за Клиниката која треба да се концентрира на клучни проекти кои ги почнавме минатата година, а ќе значат терциерно згрижување за децата, посочи директорката на Клиниката за детски болести, Аспазија Софијанова.

Директорката на Здравствен дом Скопје, Татјана Баевска Вучковиќ истакна дека во сите осум дежурни пунктови во рамки на ЗД Скопје се направени ординации кои даваат здравствена заштита само на деца и токму во една од нив ќе биде сместен и педијатрискиот пункт.

Бесплатни таблети фолна киселна и јод за секоја бремена жена за периодот од утврдување на бременоста до завршување на 13. гестациска недела, почнувајќи од првата половина на март ќе обезбедува секоја година Министерството за здравство. Станува збор за многу значајна превентивна мерка за унапредување на здравјето и здравствената заштита на бремените жени.

За таа намена, Министерството за здравство одвои 12 милиони денари од сопствени средства во рамки на превентивните програми со кои ќе се обезбедат потребните таблети за околу 23 илјади бремени жени годишно. Со средства од Програма на Министерството секој здравствен дом ќе треба да спроведе постапка за набавка на таблети фолна киселина и јод.

Ова денеска на прес-конференција го истакна министерот за здравство Никола Тодоров, кој рече дека за примената на оваа мерка, во фаза на изработка е електронска мајчина книшка, која до месец март ќе биде ставена во функција и ќе содржи база на податоци за секоја бремена жена во државата.

Посочи дека врз основа на електронската мајчина книшка, патронажната служба во секој здравствен дом ќе има податоци за секоја бремена жена, ќе спроведува патронажни посети на бремените жени и при овие посети ќе им ги додели таблетите со фолна киселина и јод. Воедно патронажната служба ќе им дава совети на бремените жени за здрава бременост, здрава исхрана и здрави животни навики односно ќе им подели и брошури „Здрава бременост“, кои се во прилог на мајчината книшка.

- На овој начин сакаме да овозможиме достапност на овие значајни суплементи до секоја бремена жена, особено до жените од социјално ранливите категории, за кои обезбедувањето вакви таблети претставувало дополнително финансиско оптоварување. Отсега, таблетите фолна киселина и јодните таблети ќе ги добиваат бесплатно, а воедно значително ќе го заштитат своето здравје и здравјето на бебето, рече Тодоров.

Според анализите на професионалните здруженија од оваа област, со редовното конзумирање на таблети фолна киселина и јодни таблети, посочи министерот, се намалува процентот на предвремени породувања, анемии, дефекти на невралната туба, докажано е помал и процентот на деца родени со ниска родилна тежина. Особено е забележителна појавата на анемија кај бремените жени и децата, на што укажаа и здруженијата на хематолози и на гинеколози и педијатри.

- Истражувањата за јодниот дефицит кај бремените жени и доилките во Македонија, покажаа дека над 40 отсто од испитаните бремени жени имале недоволен внес на јод. Недостатокот на јод во организмот за време на бременоста може да предизвика сериозни пореметувања во развојот на мозокот на фетусот со ментална ретардација и намалување на коефициентот на интелигенција кај новороденчето, додека недоволниот внес на фолна киселина може да предизвика дефекти во развојот на невралната туба, појасни Тодоров.

Со превентивното земање фолна киселина пред или во почетокот на бременоста, можно е да се избегнат до 70 отсто од дефектите на невралната туба кај бебињата. – Фолатите имаат огромна улога за правилен развој на бебето, бидејќи учествуваат во формирањето на невралната туба, од која се развиваат мозокот, рбетниот мозок и рбетниот столб на бебето. Развојот на невралната туба се одвива во самиот почеток на бременоста и завршува околу 28 ден по зачнувањето, и токму затоа во овој период особено значајно е конзумирањето фолна киселина, рече Тодоров.

Согласно протоколите за антенатална заштита, препорачаната количина на фолна киселина кај бремените жени изнесува 400 микрограми дневно (0,4 милиграми) во првите 13 недели од бременоста, додека препорачаното ниво на јод за бремените жени изнесува 100 микрограми дневно во форма на јодни таблети.

Согласно препораките на СЗО и светските протоколи, конзумирањето таблети фолна киселина и јодни таблети (во држави кои се јодно дефицитарни подрачја) за време на бременоста значително придонесува за заштита на здравјето на мајката и правилен развој на бебето. 

Со ставањето во функција на новиот ангиограф Струмица стана еден од вкупно десетте центри во државата во кои се изведува оваа сложена медицинска интервенција.

– Европските стандарди говорат дека на 200 000 жители треба да има еден ангиограф. Ова значи дека со отварањето на овој центар во Струмица за интервентна кардиологија ние го остваривме или го реализиравме највисокиот европски стандард, а тоа е да имаме ангиграф на секои 200 000 жители. Имајќи во предвид дека во Македонија ова е десетти апарат што се инсталира и се става во функција, а единаесетиот ангиограф е во процедура на инсталација. Што значи дека не само што ќе го оствариме, туку и ќе го надминеме европскиот стандард – истакна министерот за здравство, Никола Тодоров на денешната посета на струмичката болница.

Директорката на струмичката болница укажа дека овој момент има историско значење за целиот регион бидејќи добиле шанса да влезат во редот на многу поголемите центри во државата.

– Добивме една епохална шанса да влеземе во редот на болниците на многу повисоко ниво од нашата, споредено со клинички болници Штип, Тетово, Битола и клиника за кардиологија во Скопје. Мислам дека ќе ја оправдаме потполно довербата, се работи за комплексен проект, рече Анкица Ангова –директор на општа болница-Струмица

Реализацијата на целиот проект со сите негови содржи чини околу еден милион евра. Отварањето на пунктот за интервентна кардиологија во Струмица  значи и заокружување на проектот на владата за кардиолошка мрежа во Република Македонија.

Во поликлиниката Драчево првпат е отворен невролошки кабинет, кој ќе биде во функција за околу 80.000 жители од населбата и околните села. Кабинетот почна со работа на почеток на оваа недела и веднаш се закажани термини за прегледи на пациенти во системот Мој термин.

- Ова е шести по ред специјалистички кабинет што го отвораме во поликлиниката во Драчево. Дел од кабинетите се отворени како резултат на проектот на Министерството за преземање на доктори од приватното во јавното здравство, истакна минстерот за здравство Никола Тодоров при денешната посета на поликлиниката.

Министерот потсети дека досега во поликлиниката се отворени и кабинети по интерна медицина, лабораторија, рендген, ОРЛ и психијатрија.

Директорката на Здравствен дом Скопје Татјана Баевска-Вучковиќ информираше дека дејностите што се отворени во последните две години во поликлиника Драчево се резултат на анализите од честите упатни дијагнози на граѓаните од матичните доктори како и од постепената ургентност.

- Со интерниот кабинет кога почнавме во 2012 година во една смена, а во 2013 во две семени, според националниот систем Мој термин дневно имаме по минимум 50 прегледи во двете смени. Во биохемиската лабораторија, која е тесно поврзана со работата на интернистичкиот кабинет и другите специјалистички дејности, во 2012 година имавме 10.000 пациенти кои се обратиле за услуга, а 2014 година ја завршивме со 18.500 пациенти кои се обратиле за лабораториска услуга која што е значајна за поставувањето на дијагнозата и третманот, рече Баевска-Вучковиќ.

Со комплетирањето на специјалистичките служби додаде дека е реализирана комплетна обработка на пациентите според местото на живеење и соодветно за следење на состојбата за натамошен третман

Министерот за здравство Никола Тодоров денеска ја посети Универзитетската клиника за државна кардиохирургија каде првпат беше изведен минимално-инвазивен зафат. Направена е замена на валвула со рез два до трипати помал од вообичаениот во кардиохирургијата. Пациентката е на возраст од 73 години, се чувствува добро и веќе се опоравува.

Тимот македонски и српски лекари кој синоќа ја изврши интервенцијата, беше предводен од примариус д-р Миладин Ѓоргевиќ, со повеќегодишно меѓународно искуство во Словенија и Австрија во областа на кардиохирургијата.

– Со воведувањето на овој метод, Клиниката за кардиохирургија, иако најмлада, направи крупен исчекор во подобрувањето на нивото и квалитетот на здравствената услуга, изјави министерот, изразувајќи голема благодарност до лекарите, особено, како што рече, за нивниот професионализам.

Професорот Ѓорѓевиќ веќе 15 години го применува минимално-инвазивниот кардио-хируршки зафат. Предноста, објасни, е во тоа што траумата и крварењето при вакви интервенции се помали, мобилизацијата е побрза, а рехабилитацијата е подобра и пократка.

– Ваквите зафати се почести кај возрасни луѓе, но се применуваат и кај млади лица. Во последно време, повеќето пациенти се постари, над 75 години, со оглед дека кај нив дегенерирањето на залистокот на аортата е почест. Во Словенија 13 отсто од овие пациенти се постари од 80 години, нагласи д-р Ѓоргевиќ. Според него, пациентката што синоќа беше оперирана, подолго време имала проблеми со срцевиот залисток и било крајно време да се интервенира.

Македонските лекари кои беа дел од тимот наскоро ќе заминат на субспецијализација во загребската болница „Ребро“. Се разговара и за нивна дополнителна едукација во институциите во кои работи професорот Ѓоргевиќ.

Министерот Тодоров информира дека синоќешниот зафат е 35-ти на Клиниката за државна кардиохирургија која во однос на интервенциите, годинава ја почна согласно планот, а така беше завршена и претходната, 2014-та, со околу 30.

Оваа година Клиниката ќе биде преселена во новите простории. Потребната опрема вредна околу 1,5 милион евра е веќе набавена.