МИНИСТЕРСТВО ЗА ЗДРАВСТВО

објавува

ОГЛАС

за запишување студенти од Република Македонија на 6 годишни додипломски студии во академската 2013/2014 година на Факултетот за медицина и хирургија “Агостино Џемели”

Согласно средбата меѓу Министерот на здравство, Никола Тодоров и деканот на Факултетот за медицина и хирургија при Католичкиот Универзитет “Свето Срце” во Рим, проф.д-р Роко Белантоне во рамките на која беше потпишан Меморандум за разбирање и соработка меѓу Министерството за здравство на РМја и католичкиот универзитет “Свето Срце” во Рим и врачен конкурс за запишување студенти на додипломски студии на Факултетот за медицина и хирургија во академската 2013/2014 година, Министерството за здравство ги поканува сите заинтересирани студенти да се пријават на јавниот оглас за запишување на додипломски студии на Факултетот за медицина и хирургија во академската 2013/2014 година.

Конкурсот е отворен до 5-ти август 2013 година, а приемниот испит ќе се одржи на 16-ти септември (понеделник) 2013 година во 14:00 часот и ќе биде на англиски јазик, како и наставата. За државјаните на земјите кои не се членки на ЕУ е предвидена квота од 20 студенти. Годишната партиципација изнесува околу 15.000 евра.

Годишната партиципација за студиите и дополнителните трошоци за приемниот испит ќе бидат покриени од Владата на Република Македонија.

За тестирањето на кандидатите од Република Македонија ќе биде испратена двочлена комисија од Италија која ќе го спроведе приемниот испит.

Основен предуслов е познавање на англискиот јазик, за кој кандидатите ќе треба да достават доказ за познавање англиски јазик кој ги задоволува еден од следниве тестови со неопходниот број на поени/оценка:

-       IELTS = 6.5

-       TOEFL IBT ≥ 85

-       TOEFL Computer Based ≥ 225

-       TOEFL Paper Based ≥ 565

-       CAMBRIDGE ESOL FCE grade A

-       CAMBRIDGE ESOL CAE

-       CAMBRIDGE ESOL CPE.

Кандидатите кои учеле во средни училишта каде наставата се одвивала на англиски јазик нема потреба да достават сертификат за познавање англиски јазик.

Приемниот тест се состои од 100 прашања со понудени повеќе одговори од кои точниот треба да се заокружи. Тие се поделени во 2 групи:

1. 95 прашања од полето на логика, внимание и прецизност, решавање на проблем, расудување за визуелен простор, разбирање на текст, нумеричко расудување;
2. 5 прашања за религиозна култура.

Кандидатите имаат 100 минути за одговарање на прашањата.

Евалуацијата е според следниве критериуми:

• 1 поен за секој точен одговор;
• минус 0.25 поени за секој погрешен одговор;
• 0 поени за неодговорено прашање.

Сите заинтересирани кандидати потребно е да достават писмо за интерес до Министерството за здравство, во рок од 7 дена (до 23.07.2013 година, вторник) на следната mail адреса: rimdodiplomskistudii@zdravstvo.gov.mk. Дополнителни информации за процедурата на запишување на додипломски студии може да се добијат од Министерство за здравство на РМ а истите се достапни и на web страната на универзитетот:  http://roma.unicatt.it.

Целта на едукациите е да се овозможи оптимална искористеност на новата медицинска опрема и давање квалитетна здравствена услуга (магнетна резонанца, компјутеризирана томографија, дигитални и аналогни мамографи, ултразвук и сл) за примената на посложени интервенции, кои во моментот недоволно се работат во Република Македонија или за истите интервенции, пациентите се упатуваат надвор од Република Македонија во соодветни референтни центри.

Скопје, 21 јули 2013 –  Електронскиот систем за закажување здравствени прегледи „Мој термин“ постојано се надградува и се воведуваат новини во интерес на пациентите.  Меѓу нив e и обезбедувањето дополнителен број слободни термини за прием на пациенти на секундарно и терциерно ниво, рече на денешната прес-конференција Милан Аризанкоски, одговорен за електронскиот здравствен систем „Мој термин. Дополнителни термини за прием на пациенти за преглед и дијагностички процедури се креирани на секундарно и на терциерно здравствено ниво. Бројот на креираните термини на секундарно ниво пред десет дена изнесувал 226.422 термини за јули и 103.996 за август, додека со проширувањето на термините, за јули нивниот број достигна 240.000, а за август се обезбедени 140.000 слободни термини. Бројот на креирани слободни термини на терциерно ниво е зголемен за 20 отсто односно за нови 6.000 термини. Исто така, формирана е посебна Проектна единица за национален систем за електрински евиденции во здрваството. Главни задачи на единицата се постојан мониторинг на практичната примена и имплементација на проектот „Мој термин“ во сите здравствени установи, мониторинг на цела хардверска инфраструктура и интернет конекција каде се поставени серверите на националниот систем, мониторинг, тестирање и сертификација на сите софтверски решенија што се актуелни во примарно, секундарно и терциерно здравствено ниво, кои се интегрирани со националниот систем „Мој термин“ и техничка и корисничка поддршка за сите програмерски куќи кои се интергрирани со Министерството. Меѓу другото Проектната единица ќе ја опслужува и ќе биде поддршка за здравствените работници и пациентите на бесплатниот телефонски број (02)15 444. Новини има и во поглед на контролните прегледи на пациентите. Контролниот преглед ќе го закажува специјалистот што го прегледува пациентот. Доколку контролниот преглед е по 30 дена и има потреба од нов упат, специјалитот на го резервира потребниот термин и му го печати упатот на пациентот, кој пак треба да го завери кај матичниот лекар. За итните случаи нема потреба од упат. Министерството за здравство има подготвено осум посебни процедури за постапување во карактеристични случаи поврзани со „Мој термин“ кои ќе се применуваат во различни здравствени установи. Во јули се креирани 94.377 електронски упати, во јуни 98.925, во мај 53.801, додека како што информираше Аризанкоски во април тој број изнесувал 8.342 електронски упати. Просечната бројка на креирање електронски упати во јули е 6.300 дневно, а во април била 380. Во однос на електронските рецепти овој месец се креирани 683.336 рецепти, а дневно се издаваат 46.000 рецепти. Во јуни биле креирани 269.043 електронски рецепти, а дневно во просек 13.452 рецепти. Ова, според него, покажува масовно користење на националниот систем „Мој термин“.

Отворен здравствен пункт во Стар Дојран кој ќе обезбедува 24 здравствена заштита

Здравствениот пункт постојано ќе обезбедува здравствена заштита за жителите на општина Дојран и за сите туристи почнувајќи од денеска па до 15-ти септември, односно дозавршувањето на туристичката сезона. Потоа,пунктот ќе работи како брза помош која во текот на целата година ќе обезбедува континуирана здравствена заштита.

Во овие сали покрај редовната секојдневна работа ќе се врши и обука на доктори и друг медицински персонал за мировни мисии под водство на НАТО.

Скопје, 24 јули 2013- Министерството за здравство во соработка со Здравствен дом – Скопје од денеска почна акција за организирање повеќе пунктови за бесплатни превентивни пунктови на повеќе локации во пресрет на најавите за топлотен бран кој во следните денови ќе ја зафати државата.

На денешната прес конференција министерот за здравство Никола Тодоров информираше дека пунктовите ќе бидат поставени на повеќе локации низ главниот град и ќе работат од 18 до 21 часот. Еден постојан пункт ќе биде поставен во Градскиот парк и по два мобилни пункта кои ќе ротираат во општините:
-  Ѓорче Петров и Драчево
-  Карпош и Аеродром
-  Центар и Бутел
-  Чаир и Кисела Вода
-  Шуто Оризари и Гази Баба

На овие пунктови граѓаните ќе се информираат како да се заштитат од високите температури, ќе добиваат препораки за здрав живот и ќе може да измерат крвен притисок. Ќе се делат и брошури со препораки за заштита од топлотен бран.

Досегашното искуство од оваа акција покажа исклучително позитивни резултати. Минатата година во текот на летниот период само во Скопје помош побарале околу 10 илјади граѓани. Дел од нив биле препратени на матичен лекар, а двајца како итни случаи се пренесени во Градската општина болница „8 Септември“.

Од Здравствен дом-Скопје информираат дека како резултат на успешната акција спроведена минатата година, повиците кон Итната медицинска помош за првпат лани биле во референтните вредности на обем на работа.

Во пресрет на најавениот топлотен бран, Министерството за здравство препорачува да не се излегува надвор во временскиот интервал од 11 до 17 часот, носење на светла и лесна облека и конзумирање на многу течности, а хронично болните да ја земаат неопходната терапија.
Од УХРМ најавуваат дека од утре ќе почнат да растат дневните температури, а од понеделник се очекуваат температури од 40 степени.

Почитувани матични лекари,

Поради одредени нејаснотии и проблеми при креирањето на електронските рецепти, Ви праќаме известување околу точните генерички називи на одредени лекови(лекови кои се композиција на повеќе генерики) генерички имиња кои мора да ги запазите во точен редослед при препишувањето на еден рецепт за истиот да се креира електронски и да биде доделено бројче на истиот.

Лековите AMOKSIKLAV 2X, AUGMENTIN, PANKLAV, PANKLAV 2 X, PANKLAV forte ја имаат следната генерика amoxicillin, clavulanic acid

Лековите BELOSALIC, BETASALIK ја имаат следната генерика betamethasone, salicylic acid

Лековите CARBIDOPA/LEVODOPA, LEVODOPA+KARBIDOPA, SINEMET CR ја имаат следната генерика carbidopa, levodopa

Лекот STALEVO ја има генериката levodopa, carbidopa, entacapone

Лековите KREON и PANAZE ја имаат следната генерика lipase, protease, amilase (multienzymes)

Лекот DEPAKINE CHRONO ја има следната генерика sodium valproate, valproic acid

Лековите BACTRIM, KOTRIMOKSAZOL, PRIMOTREN, TRIMOKSAZOL ја имаат следната генерика sulfamethoxazole, trimethoprim

Лековите LIDAPRIM, LIDAPRIM for children, ја имаат следната генерика sulfametrole, trimethoprim

Лековите DEX-TOBRIN, TOBRADEX, ја имаат следната генерика tobramycin, dexamethasone

ЛекотBIVACYN ја има следната генерика neomycin, bacitracin

Лекот FOSAVANCE ја има следната генерика alendronate sodium, colocalciferolедната генерика neomycin, bacitracin

Лекот FOSTER 100/6 μg ја има следната генерика formoterol, beclometasone

Лекот SYMBICORT Turbuhaler ја има следната генерика formoterol, budesonide

Исто така, сакаме да напомениме да внимавате на креирањето на рецепти кон лекови кои имаат продолжено или модифицирано ослободување (plg. и mod. соодветно). Такви се на пример лековите со следните генерики:

Посебно внимавајте на генериките metformin и pentoxifylline, бидејќи тие се јавуваат и како обични таблети и како таблети со продолжено ослободување.

Доколку креирате рецепт со генерика pentoxifylline tabl. 500mg (обична таблета без продолжено ослободување), фармацевтот ќе може да реализира само еден лек, односно само пентоксифилинот на АД Јака 80 – Радовиш, а доколку рецептот го креирате со генерика pentoxifylline tabl. plg. 500mg тогаш ќе бидат достапни и останатите лекови.

За точните називи на генеричките имиња, посетувајте ја страната на Бирото за Лекови (https://lekovi.zdravstvo.gov.mk/). Таму може да пребарувате, по генерика, по заштитено име на лек и по производител.

За промена на матичен лекар (одјава од стар и пријавување кај нов лекар) задолжително да се користи порталот на фондот за здравствено осигурување ( https://portal.fzo.org.mk/ )

Само преку тој начин ажурирањето на податоците на пациентот околу избраниот лекар директно ќе бидат изменети и во Вашите програми! За тој начин покрај Вашата ЕЗК, потребна е и ЕЗК на пациентот за дигитално потпишување на барањето за промена на избран лекар. Рокот за аплицирање за ЕЗК беше 30.06.2013 година.

Министерството за здравство сака да ја извести јавноста во Република Македонија дека во изминатиот месец  во повеќе општини во Република Македонија успешно се имплементира системот „Национален систем за електронска евиденција во здравството“ и тоа во делот на електронско упатување со закажување и Е-рецепт. Како што веќе информиравме, согласно усвоениот протокол за имплементација, проектот стартува етапно, односно општина по општина и досега истиот е имплементиран во над 20 општини.

Согласно досегашните сознанија од имплементациониот период, Министерството за здравство ги известува сите матични лекари да внимаваат при креирањето на електронските рецепти и одбирањето на генериките на лековите и останатите упатни дијагнози да ги употребуваат нивните точни називи. За таа цел до матичните лекари веќе е доставена листа со сите генерички имиња кои досега им предизвикувале одредени нејаснотии при креирањето на рецепт, а оваа листа е објавена и на веб сајтот на Министерството за здравство.

Паралелно на ова, до матичните лекари се доставени и сите протоколи во кои е прецизно наведено што е потребно да направат во случај на спреченост од технички карактер за креирање е-рецепт и е-упат (немање интернет, немање струја и сл).

Втората фаза од проектот за изградба на нов клинички центар во Скопје успешно е заокружена. Според сегашната динамика, изградбата треба да почне во почетокот на 2014 година и се очекува да трае три години.

Значајно е што во новиот комплекс ќе се оневозможи движењето на возила, што ќе се постигне со изградба на две катни гаражи: едната на булеварот „Мајка Тереза“ и другата наспроти Клиниката за инфективни болести од каде посетителите и персоналот ќе можат да продолжат кон планираната дестинација исклучиво пешки, но сепак преку покриени пешачки патеки. Двете катни гаражи ќе имаат по 1.250 паркинг места. Во комплексот ќе можат да влегуваат исклучиво возила за Итна медицинска помош, противпожарни возила и оние приватни или такси возила кои превезуваат животно загрозени пациенти кон ургентниот центар и транспортирани пациенти кон клиниките. Останатите возила, како оние за снабдување, одвоз на отпад и слично, ќе можат да влегуваат во комплексот по исклучиво утврден протокол.

На 1 септември стартува проектот „Дисперзирана клиника”, со кој еминентни и веќе докажани доктори од здравствените установи од Скопје и Охрид ќе можат да даваат здравствени услуги на пациентите низ клиничките и општите болници во останатите градови во државата. Во рамки на повеќегодишниот проект ќе бидат ангажирани професори, односно доктори специјалисти и субспецијалисти со 10 и над 10-годишен работен стаж, кои искажуваат интерес за работа во останатите градови. Има голем интерес од страна на докторите.

Целта е размена на искуства и истовремена едукација за воведување нови методи и интервенции, како и работа со новата медицинска опрема.

- Посетата на еминентните и докажани медицински професионалци од универзитетските клиники и болници е со цел  да се овозможи оптимална искористеност на медицинските апарати и подобар квалитет на здравствените услуги, посочи Тодоров на денешната прес конференција. Станува збор за уште една значајна новина, која ја иницираат со цел унапредување на здравјето на граѓаните на Македонија.

Ангажираните доктори ќе добиваат соодветен дневен надомест, нивната работа ќе се вреднува и согласно системот за плаќање по учинок, а исто така, ќе биде креиран и посебен термин за закажување преглед кај овие клинички доктори, согласно електронскиот систем за закажување Мој термин.

Ќе бидат ангажирани доктори од сите универзитетски клиники од комплексот клиники „Мајка Тереза” – Скопје, од Градската болница за хируршки болести „Св.Наум Охридски”– Скопје, од Градската општа болница „8 Септември“ – Скопје, од Специјалната болница за гинекологија и акушерство – Чаир, од Институтот за белодробни заболувања кај децата – Козле,  од Специјална болница за ортопедија и трауматологија „Св Еразмо“-Охрид, како и од Заводот за физикална медицина и рехабилитација-Скопје.

- Рокот за аплицирање на сите заинтересирани специјалисти и субспецијалисти од посочените здравствени установи е до среда, а докторите кои ќе го пропуштат овој рок (заради летните одмори или од други причини) имаат можност во следниот период да се јават во Министерството и да го искажат својот интерес за вклучување во овој проект. Имаме голем интерес од страна на докторите и веќе се имаат пријавено поголем број клиничари од областа на детска хирургија, пулмологија, тораковаскуларна хирургија, абдомен и други специјалности.

Докторите-клиничари кои  ќе аплицираат за учество во проектот ќе бидат дисперзирани во клиничките болници во  Битола, Тетово, Штип, во општите болници во Велес, Гевгелија, Гостивар, Дебар, Кавадарци, Кичево, Кочани, Куманово, Прилеп, Струга, Струмица, Охрид, во Специјалната болница за ортопедија и трауматологија „Св.Еразмо” – Охрид, ЈЗУ Завод за превенција, лекување и рехабилитација за КВЗ-Охрид, како и во специјалните болници за белодробни заболувања и ТБЦ во Лешок и во Јасеново.

- Бенефитот од оваа мерка на Министерството е неколкукратен. Од една страна пациентите ќе добиваат здравствена услуга во своето место на живеење од секундарно и терциерно ниво, односно нема да бидат изложени на дополнителни патни и останати трошоци. Бенефитот за докторите, а пред се за самата здравствена установа е размена на знаење и искуство од еминетни и докажани во својата професија клиничари, како и унапредување на здравствените услуги и воведување нови методи и интервенции.

Паралелно со периодот на аплицирање, во тек е и креирањето на календарите за распоредот на докторите заинтересирани за работа во болниците во другите градови.

- Овие доктори ќе можат максимум два дена месечно да даваат здравствени услуги во болниците низ другите градови, со цел да се испочитуваат и обврските кон матичните клиники и болници. Еден од основните постулати на проектот „Дисперзирана клиника“ е секој ден во болниците низ Македонија да биде присутен минимум по еден доктор од универзитетските клиники или од специјалните болници, во зависност од определената специјалност.

Во врска со посочениот прилог, Министерството за здравство во интерес на вистината информира дека станува збор за тотална лага и целосна невистина дека операцијата на катаракта ќе чини 750евра и сумата треба  да ја плати секој граѓанин кој сака да се оперира од катаракта (перде).