Министерството за здравство изготви 32. клинички патеки за третман на лица со малигни заболувања, изработени од стручни лица членови на тумор-бордовите од повеќе области на медицината, кои ќе бидат отворени за коментари од пошироката јавност до понеделник по што ќе бидат објевени во Службен весник и ќе стапат на сила и задолжително ќе се применуваат насекаде во земјава.

Изгортвените клинички патеки се за третман на малигни заболувања кои најчесто се појавуваат како што се карцином на дојка, на бели дробови, меланом, карцином на кожа, коскени тумори.

- Оваа новина е особено значајна имајќи во предвид дека станува збор за чувствителна категорија  на лица кои поради природата и типот на болеста не смеаат или  не треба да чекаат. Целта со дефинирањето на клиничките патеки е да се утврди максималното време на чекање, односно од моментот на појава на индикација (суспекција) до извршување на првата дијагностичка процедура да не поминат повеќе од седум дена, а за добивање на хистопатолошки наод да не се чека подолго од 21 ден, рече министерот за здравство Никола Тодоров на прес-конференција, нагласувајќи дека станува збор за новина која ја нема во поширокиот регион.

Станува збор за максимални рокови кои можат да бидат и пократки, но во одредена ситуација тумор-бордот може да го зголеми рокот доколку е потребно да се направат дополнителни испитувања, да се добие второ мислење или, пак, материјалите да се пратат во друга установа во земјава или странство.

- Со клиничките патеки е утвредно по добивање на позитивен наод да биде доставен или поставен на тумор-борд и целокупниот тек на лекувањето да се врши согласно медицина базирана на докази и меѓународните стандарди. Националната клиничка патека за малигни заболувања ќе биде целосно инкорпорирана во националниот систем „мој термин“ и при појава  на индикација или дијагноза самиот систем ќе обезбедува термини  за дијагностички процедури во предвидениот рок со издавање на „приоритетен упат“. Тоа е намерно направено за да нема влијание од човечкиот фактор при кририањето на термините.

Почитувани,

на следниве линкови можете да ги преземете моделите на статути за јавна здравствена установа.

Модел на статут на јавна здравствена установа – Здравствен дом

Модел на статут на јавна здравствена установа – Општа болница

Модел на статут на јавна здравствена установа – Специјална болница

Министерството за здравство ја воведе електронската мајчина книшка, која е достапна во „мој термин“ и ја пополнуваат сите матични гинеколози во државава. Податоците од книшката може да ги користи матичниот гинеколог, како и сите гинеколози во породилиштата во Македонија, најави на прес-конференција министерот за здравство Никола Тодоров.
Во прво време, електронската мајчина книшка ќе функционира заедно со хартиената, а подоцна ќе се оди само на електронската верзија од која податоците се добиваат во реално време и се чуваат во централен сервер со што шансите за нивно губење се мали.
– Целта на воведувањето на електронската матична книшка е прецизно следење и контрола на бременоста во целиот нејзин тек и заштита на здравјето на мајката и новороденчето, како и дополнително намалување на здравствените ризици, предвременото  породување и раѓањето на деца со аномалии поради нередовното одење на препорачаните контролни прегледи. Во неа се евидентираат сите прегледи и утврдени резултати од прегледите на бремената жена, како и детални податоци за породување и за новороденчето. Со тоа ќе се овозможи на докторот кој првпат ја прегледува бремената жена веднаш  да ги добие сите податоци за било кој период од бременоста што е од исклучително значење за соодветна проценка на здрвствената состојба.
Електронската мајчина книшка претставува база на податоци кои можат да послужат за надополнување на здравствената статистика и за креирање на здравствени политики и додаде дека со нејзиното воведување Министерството за здравство ќе ги има сите податоци во реално време за бројот и здравствената состојба на бремените жени и нивното одење на прегледите. По потреба, истакна, ќе можеме да ги повикуваме оние трудници кои не ги направиле одредените прегледи.
– На овој начин имаме детален и прецизен регистар за бремените жени во целата држава и со тоа овозможуваме докторите во реално време да ги добиваат податоците за задравствената состојба на трудницата. Сите 142 матични гинеколози во државата добија упатство за начинот на пополнување и водење на електронската матична книшка која ги содржи истите податоци како и печатената книшка која е адаптирана во 2012 година согласно Упатството за водење здрава бременост.
Министерот за здравство истакна дека во книшката има податоци за здравствената состојба на бремената жена и плодот, односно податоци за текот на бременоста, породувањето и за здравствената состојба на новороденчето.
Податоците за бремената жена, прецизира, опфаќаат крвна група, RH фактор, лична  гинеколошка и репродуктивна анамнеза, како и податоци за серолошки анализи и извршени ултразвучни прегледи. Во делот  за породување се евидентира типот на породување и евентуални компликации при породувањето и постпородилниот тек. За новороденчето се евидентира родилната тежина, должина, обем на глава и граден кош и податоци за примени вакцини кои се даваат во родилиштето. Покрај тоа, се евидентираат и показателите на загрозеност, односно
состојби кај жената кои бараат дополнителна грижа во текот на бременоста како срцеви и бубрежни болести, ендокрини нарушувања и други нарушувања како недоносеност, вродени  аномалии, инфекции, деца родени во домашни услови кои понатаму ќе му помогнат на педијатарот во грижата за новороденчето.

Симулациска вежба „Сообраќајна несреќа со повреден пешак“, се одржа денеска во близина на Градскиот парк во Скопје, во рамки на кампањата на Републичкиот совет за безбедност на сообраќајот на патиштата (РСБСП), за подигнување на свесноста кај ранливите групи на население за поголема безбедност во сообраќајот.

Во вежбата во која автомобил со тројца патници удира во пешак при што се двајца се повредени -пешакот и една девојка од автомобилот им беше укажвна прва помош, тријажа, евакуација и транспорт на повредените. Кампањата на РСБСП активно ја поддржува Министерството за здравство.

Заменик-министерот за здравство Јовица Андовски изјави дека вежбата претставува уште еден чекор до утврдување на крајната цел на кампањата, а тоа е спасување што повеќе човечки животи и спречување на негативните последици од сообраќајните несреќи.

Посочи дека согласно статистичките податоци од почетокот на 2015 година, досега, седум пешаци го загубиле животот на сообраќајниците во Македонија.

- Споредено со претходните години има опаѓачки тренд, но сепак треба да се посвети доволно и посебно внимание кон оваа категорија учесници во сообраќајот, затоа што тие се најспецифична категорија и најлесно може да дојдат до одредена евентуална повреда, додаде Андовски.

Претседателот на РСБСП, Стојче Стаменковски рече дека во рамки на Неделата на пешаците во соработка со Министерството за здравство, Здравствениот дом – Скопје, и Црвениот крст, реализирале вежба со цел да се покаже како надлежните институции се справуваат во случај на сообраќајна несреќа кога пешакот е повреден.

- Целта на вежбата беше уште еднаш да покажеме дека пешаците спаѓаат во онаа категорија ризични учесници во сообраќајот кои често се соочуваат со проблеми и се жртви во сообраќајни несреќи, а во исто време да покажеме дека системот е подготвен да одговори на ваков тип несреќи. Уште еднаш испраќаме порака до пешаците внимателно и одговорно да се однесуваат во сообраќајот, а возачите да внимаваат и да се придржуваат кон правилата и прописите и да ги почитуваат пешаците, појасни Стаменковски.

Генералниот секретар на Црвениот крст на Република Македонија, Саит Саити истакна дека Црвениот крст е постојан партнер на министерствата за внатрешни работи и за здравство и РСБСП во севкупните напори за подигнување на свеста од ризиците што ги предизвикуваат сообраќајот и секојдневното движење на пешаците, потенцирајќи дека одбележувајќи 70 години од постоењето ја промовираат и мобилна апликација, која е многу практична алатка која е во функција во повеќе од 50 земји низ светот, а е во функција на давање инструкции и анимирани решенија, поврзани со одредени ситуации кои се случуваат во секојдневниот живот, а се предизвикани од сообраќајките.

Апликацијата е многу едноставна и може да се користи од која било позиција, од каде било, повеќе пати, неограничува, дава практични совети и на некој начин ги заменува прирачниците и сите хартиени документи кои треба да ги имате во случај да се потсетувате и да се консултирате за одредени постапка за давање одредени помош.

- Секоја апликација колку е да е напредна и добра не ја заменува комплетно практичната обука. Во таа смисла и натаму препорачуваме сите во рамки на своите можности и натаму да ги посетуваат обуките и тренинзите кои ги дава Црвениот крст на РМ, а се поврзани со подигнувањето на свеста околу давањето помош во сообраќајни несреќи, додаде Саити.

Директорката на Здравствениот дом-Скопје, Татјана Баевска Вучковиќ рече дека при транспорт на интервенција од прв степен на животнозагрозувачка состојба често пати се случува да не се отстапи место и тоа при светлосна ознака, при ротациски светла.

- Значи се уште се соочуваме на некој начин на еден вид сообраќајна некултура и токму затоа РСБСП, нашите екипи и Црвениот крст и сите институции, сме вклучени во активностите во таа насока за подигнување на свеста на граѓаните бидејќи секој од нас може кога секунди се во прашање да учествува во спасување на нечиј живот.

Заменик министерот за здравство Јовица Андовски, денеска присуствуваше на работилницата за развивање национална стратегија за здравје до 2020 година, на иницијатива на Министерството за здравство, со поддршка на Светска здравствена организација (СЗО).

Изготвувањето Националната стратегија „Здравје 2020“ предвидува сеопфатен процес кој ќе ги вклучи сите чинители под водство на владиниот Комитет за животна средина и здравје, при што се предвидува отворен консултативен и мултисекторски процес во насока на интегрирање на различните слоеви на здравствениот сектор, активно учество на други нездравствени сектори и широк спектар на чинители, вклучувајќи ја стручната заедница, општите лекари, граѓанските организации и општата јавност. Вака изготвениот документ ќе биде доставен за усвојување до Собранието на РМ. 

Под техничко водство на експертот на СЗО, д-р Ричард Aлдерслејд и националниот тим на експерти, се очекува да се одредат клучните стратешки цели и да се подготви првата нацрт верзија на Стратегијата, земајќи ги во предвид  досегашните анализи на националниот здравствен систем, резултатите од истражувањето “Какво здравје сакаме до 2020?“, и придонесот од Е – Платформата – Здравје 2020 (http://zdravstvo.gov.mk/health_2020/) достапна за коментари, идеи и предлози на сите граѓани. Со поддршка на Светска здравствена организација се изготвуваат голем број стратешки документи, кои ќе бидат составен дел од Стратегијата „Здравје 2020“, а кои ќе вклучуваат планови за превенција и контрола на незаразните болести, зајакнување на јавното здравје, животна средина и здравје. Сите информации ќе ги најдете на следниот линк: http://zdravstvo.gov.mk/health_2020/

Проектот „Наш специјалист“ покажува одлични резултати од спроведувањето во Берово, Валандово, Крива Паланка, Виница, Неготино и Свети Николе, информираше денеска министерот за здравство Никола Тодоров, од 25 април (сабота) проектот почнува да се реализира и во Радовиш и во Делчево.

 Почнувајќи од 25 април во Здравствениот дом во Делчево со патен налог ќе се упатуваат доктори специјалисти од областа на ортопедија и урологија кои ќе вршат амбулантски прегледи секоја сабота од 8 до 15.30 жасот, додека во Здравствениот дом во Радовиш ќе се упатуваат специјалист невролог и специјалист интернист за ЕХО кардиографски прегледи, кои во оваа здравствена установа ќе работат секоја сабота од 8 до 15.30 часот.

Термините за овие специјалистички прегледи и во Делчево и во Радовиш се веќе креирани во системот „МојТермин“.

- Овој проект го воведовме во рамки на последните измени на Законот за здравствена заштита со кои се овозможи Министерството за здравство со патен налог да упатува доктори специјалисти од една во друга здравствена установа со цел да се надомести недостигот од доктори специјалисти односно од таков тип специјалистички услуги низ градовите во Република Македонија.

Според податоците од системот „МојТермин“, во Здравствен дом – Делчево претходно се регистрирани 1.807 упати за специјалистички прегледи по ортопедија во најблиските болници или на клиниките и токму затоа проектот „Наш специјалист“ се проширува и во Делчево, имајќи предвид дека тие пациенти изминатиот период за определена здравствена услуга биле обврзани да патуваат надвор од местото на живеење и да бидат изложени на трошоци.

- Идејата е со овој проект оваа здравствена услуга да се доближи до граѓаните, односно да ја добијат во нивното место на живеење. Анализата на податоците од „МојТермин“ покажа дека во Здравствен дом-Радовиш најголем број од упатувањата во други јавни здравствени установи се за интернистички прегледи. Затоа се одлучивме во Радовиш да испратиме интернист, имајќи предвид дека изминатиот период 2.520 пациенти биле упатени од тој град во друг град за да добијат здравствена услуга од специјалист по интерна медицина.

- Досегашното искуство покажа дека со ваквите специјалистички прегледи се овозможува навремено поставување дијагноза. Многу често овие прегледи се контролни и се сведува на минимум непотребното патување на пациентите за контрола во други градови.

Специјалистите ортопеди досега третирале повеќе пациенти со акутна повреда, која веднаш е соодветно санирана и третирана, што покажува дека специјалистите кои се во тие градови не само што работат по „МојТермин“, туку и санираат повреди кои се случиле.

- Во областа на неврологија пациенти кои за специјалистички прегледи патувале во Струмица сега контролните прегледи ги вршат во Валандово односно поблиску до местото на живеење. Специјалист-невролог во Здравствен дом-Валандово овозможил брз третман на пациент со мозочен удар кој не бил во животно загрозувачка состојба, но имал отежнат говор, општа слабост и висок крвен притисок. Специјалистот невролог веднаш дал соодветна терапија, го регулирал крвниот притисок и лицето го испратил со Итна медицинска помош на лекување во болницата во Струмица, информираше министерот Тодоров.

Според податоците од „МојТемин“, од моментот на започнување на проектот „Наш специјалист“ досега се направени 400 прегледи. Тоа се околу 400 пациенти кои досега добиле здравствена услуга во нивното место на живеење и не биле изложени на патувања во други градови.

Сите апарати со кои располага јавниот здравствен систем во Република Македонија се внесени во он-лајн регистар на медицинска опрема, кој е во рамките на апликацијата „Мој термин“, информираше на прес-конференција министерот за здравство Никола Тодоров.
Системот, што функционира од почетокот на овој месец, ги содржи сите неопходни податоци за Министерството и здравствената установа да знаат во секој момент со која опрема располага, во каква состојба е и слично. Според овој регистер на медицинска опрема, евидентирани се 7.912 апарати во целото јавно здравство во земјава во 120 јавни здравствени установи.
– За секој апарат се евидентираат видот, во кој оддел се користи, производител, модел, неговиот сериски број и тип, година на набавка на апаратот, основ на стекнување, податоци и за досегашно сервисирање… Регистарот содржи и фотографија од секој апарат со кој располагаме.
Установите, додаде, се задолжени каков било дефект на апаратот да го евидентираат во регистарот во рок од 24 часа, а пациентите кои имаат закажан термин ќе бидат известени навреме дека не може да се реализира прегледот.
– На овој начин ќе се избегне непотребно доаѓање на пациентите во болница кога апаратот е расипан, односно навремено нивно информирање, со цел изнаоѓање соодветно решение за потребната здравствена услуга.
Секоја здравствена установа има обврска да назначи одговорни лица за евиденција на медицинска опрема кои се задолжени да ја следат состојбата со опремата и нејзината функционалност. Тие имаат пристап до регистарот за навремено ажурирање на податоците.
Од 2006 до 2014 година набавени се 4.312 медицински апарати или околу 60 отсто од вкупниот број се набавени во овој период.

Министерството за здравство ги повикува сите заинтересирани лица да се пријават на огласот за надворешен соработник за развој на соработка со странски медицински центри и договарање работен ангажман на врвни странски доктори од различни области во јавните здравствени установи низ државата.

Ангажманот на соработникот се состои од воспоставување контакти со странски медицински центри, како и непосредни контакти со повеќе доктори, а во зависност од потребите, ангажманот може да вклучува и посета и престој во странски држави. Ангажираниот соработник треба да поседува добри комуникациски и менаџерски вештини.

Воедно, кандидатот за соработник треба да ги исполнува следните услови: завршено високо образование од која било област, а предност при селекцијата ќе имаат дипломирани доктори по општа медицина, дипломирани фармацевти и дипломирани стоматолози, како и одлично познавање англиски јазик, за што треба да поседува соодветно признание (TOEFL или друга меѓународно призната диплома).

Заинтересираните кандидати можат да испратат кратка биографија (CV) и потврда за познавање англиски јазик во архивата на Министерството за здравство, или по пошта на адресата: ул. 50 Дивизија бр.14, 1000 Скопје, со назнака: „Оглас за ангажирање надворешен соработник за развој на соработка со странски медицински центри“.

Пациентите годинава споредено со 2013 година се многу повеќе задоволни од достапноста и љубезноста на лекарите во болниците и клиниките, од квалитетот на услугата што ја добиваат, од здравствените работници, од чекањето за преглед кое е пократко, од односот на шалтерските службеници во тие јавни здравствени установи, од условите и комфорот во чекалните итн.

Ова го покажуваат резултатите од најновото спроведено истражување на задоволството на пациентите во јавното здравство, односно перцепцијата на пациентите за повеќе сегменти од функционирањето на јавните здравствени установи. Истражувањето е спроведено од Министерството за здравство, изминатиот месец во форма на теренска анкета во 21 универзитетска клиника, 15 болници во повеќе градови низ државата и 32 здравствени домови, а биле опфатени 6.300 испитаници. Министерството во соработка со Агенцијата за квалитет и акредитација на здравствените установи, организира спроведување на анонимни анкети за задоволството на пациентите два пати годишно.

Министерот за здравство Никола Тодоров денеска на прес-конференција на која ги презентираше резултатите од истражувањето рече дека генерално се задоволни од резултатите, иако кај дел од јавните здравствени установи е потребно подобрување во одредени сегменти. Добиените податоци, посочи, детално се обработуваат и во претстојниот период ќе објавиме и поединечни резултати по установи, како и споредба меѓу постигнатите резултати на установите.

- Испитувањето на задоволството на пациентите е фокусирано на два општи сегменти: квалитетни услови во јавните здравствени установи и хоспитална култура во јавното здравство. Во делот на хоспиталната култура, го анализиравме задоволството на пациентите од: достапноста на лекарите и персоналот, љубезноста на лекарите и персоналот, како и односот на шалтерските работници, нагласи Тодоров.

Според него, на прашањето генерално дали сте задоволни од достапноста на лекарите, евидентно е зголемувањето на задоволството на пациентите. Потенцира дека во 2015 година споредено со 2013 година за околу 5 отсто е поголем бројот на пациенти кои се задоволни од достапноста на лекарите во болниците и во клиниките.

Споредено со 2013 година, кога 67,5 отсто од пациентите биле задоволни од достапноста на лекарите во општите болници, тој процент годинава изнесува 72,1 отсто. Во 2013 година 60,3 отсто од пациентите биле задоволни од достапноста на лекарите на клиниките, а годинава тој процент изнесува 65,1 отсто.

- На прашањето генерално дали сте задоволни од љубезноста на лекарите, резултатите прикажуваат слична состојба, односно зголемено е општото задоволство кај пациентите. Во 2013 година 70,5 отсто од испитаните пациенти одговориле дека се задоволни од љубезноста на лекарите на клиниките, додека во 2015 година процентот е зголемен за дополнителни 5 отсто и изнесува 75,3 отсто, рече Тодоров.

Укажа дека бројот на незадоволни пациенти е намален од 10,2 отсто на 6,5 отсто на клиниките и од 20,3 отсто на 18,2 отсто во болниците

На прашањето генерално дали сте задоволни од односот на шалтерските работници во болниците, појасни, има видливо подобрување, односно зголемување на процентот на задоволни пациенти и истовремено намалување на бројот на незадоволни пациенти, додека кај клиниките се бележи мал пораст на незадоволството од односот на шалтерските службеници (од 10,8 отсто во 2013 година на 13,3 отсто во 2015 година).

Тодоров нагласи дека во оваа насока продолжуваат со континуираното вложување во обуки, работилници, со цел комплетно унапредување на хоспиталната култура, која е еден од сегментите на кои се фокусира испитувањето на задоволството на пациентите.

Според резултатите во делот на квалитетни услови во јавните здравствени установи, на прашањето дали сте задоволни генерално од квалитетот на услугата што ја добивте од лекарот, се бележи значителен пораст на задоволството од 75,5 отсто во 2013 година на 89,5 отсто годинава, односно за 14 отсто е зголемено задоволството на пациентите од квалитетот на добиените здравствени услуги од докторите на клиниките.

- Слична е состојбата и кај болниците, како и кај здравствените домови каде дури 86,3 отсто од испитаните пациенти одговориле дека се задоволни од услугите на докторите, наспроти 13,7 отсто незадоволни. Истражување покажува особено висок степен на задоволство од сите здравствени работници воопшто, така што на сите три нивоа на здравствена заштита над 70 отсто од испитаниците одговориле дека се задоволни општо од сите здравствени работници, рече Тодоров.

Посочи дека резултатите од истражувањето се уште еден во низата показатели дека системот МојТермин успешно функционира и забележително е зголемувањето на задоволството од времето на чекање за преглед, односно во споредба со 2013 година, кога од испитаните пациенти во болниците 47,1 отсто одговориле дека се задоволни од времето на чекање за преглед, годинава процентот е зголемен на 60,9 отсто.

- Од аспект на условите и комфорот во чекалните, се забележува пораст на задоволството кај пациентите во болниците (од 40,9 отсто во 2013 година на 44,2 отсто пациенти кои на овогодинешната анкета одговориле дека се задоволни од условите и комфорот во чекалните). Уште еден сегмент на кој сме континуирано фокусирани е хигиената во болниците, така што и тука бележиме пораст на задоволството, особено кај клиниките, каде процентот на задоволни пациенти од 2013 година, досега, пораснал од 59,4 отсто на 62,5 отсто, додека кај здравствените домови има највисок процент задоволни пациенти од хигиената во болниците – 73,7 отсто, рече Тодоров.

Додаде дека во делот на подобрување на болничките услови и квалитетот на здравствените услуги, во тек се неколку крупни проекти со кои во претстојниот период значително ќе се подобрат болничките услови, а тоа се: реконструкција на Општа болница Прилеп, реконструкција на Клиничка болница Битола, изградба на комплетно нов Ургентен центар во Куманово, изградба на нов објект за општата болница во Кичево, а според Програмата на Владата за периодот до 2018 година, предвидуваме отпочнување на уште неколку крупни проекти за кои веќе се во тек подготвителните активности меѓу кои: Целосна реконструкција на Специјалната болница „Св.Еразмо“ во Охрид, реконструкција на Клиниката по хируршки болести „Св.Наум Охридски“, Општата болница во Струмица, итн.

Министерството за здравство Ве повикува да гласате за избор на идејно решение за лого на Универзитетската клиника за државна кардиохирургија.

Со својот глас имате можност да придонесете кон изборот на најдоброто решение за лого на клиниката.

Во продолжение се понудените 4 идејни решенија, кои се пријавени на објавениот конкурс за избор на идејно ликовно и графичко решение за лого на Универзитетската клиника за државна кардиохирургија.

Лого 1:

Лого 1

Лого 2:

Лого 2

Лого 3:

Лого 3

Лого 4:

Лого 4

Kumanovo poseta foto2

?????????????

Kumanovo-poseta foto6

kumanovo-poseta foto5

Kumanovo-poseta foto4

Kumanovo poseta foto3

 
Министерот за здравство, Никола Тодоров денеска беше во Куманово, каде ги посети Општата болница и службата за Итна медицинска помош при Здравствениот дом.

Министерот се сретна со докторите, медицинските сестри и останатиот персонал кој беше ангажиран за време на настаните изминатите два дена. На средбата, министерот беше детално запознаен со постапувањето на медицинските тимови околу третманот на повредените лица.

Воедно, министерот лично упати благодарност до медицинските тимови за навремената реакција, пожртвуваноста, максималните заложби за укажување помош на повредените, како и покажаната професионалност и стручност.

Во рамки на посетата на Куманово, министерот Тодоров, придружуван од пратеникот Зоран Ѓорѓиевски, се потпиша во отворената книга на жалост и се сретна со локалното население.

Висок процент односно 67,6 отсто од пациентите се задоволни од функционирањето на Националниот систем за електронски евиденции во здравството МојТермин.

Ова го покажаа резултатите од обемното истражување за задоволството на пациентите од функционирањето на здравствениот систем, кое во еден сегмент е фокусирано само на системот МојТермин и биле опфатени 6.300 испитаници, преку теренска анкета во 68 јавни здравствени установи (универзитетски клиники, општи и клинички болници, здравствени домови).

Министерот за здравство Никола Тодоров на прес-конференција на која ги презентираше резултатите од истражувањето рече дека пациентите се најзадоволни од функционирањето на МојТермин во клиниките за онкологија, за инфективни болести, за дерматовенерологија, општите болници во Кичево и Куманово, Клиничката болница во Тетово и Клиниката по хирушки болести „Св.Наум Охридски“.

Посочи дека високо ниво на задоволство кај пациентите од функционирањето на МојТермин има во здравствените домови во Кратово, Гевгелија, Куманово, Македонски Брод, Крива Паланка, Валандово и Крушево.

Најмалку задоволни од функционирањето на МојТермин се пациентите на клиниките за урологија, за пулмологија, за психијатрија, клиничките болници во Штип и Битола, Општата болница во Охрид, како и во здравствените домови во Штип, Охрид, Струга, Битола, Вевчани, Демир Хисар, Пробиштип и Кавадарци.

Според Тодоров, во јавните здравствени установи каде директорот на ЈЗУ постапува по укажувањата и препораките на Министерството за здравство и тимот од МојТермин, задоволството на пациентите од имплементацијата на системот е одлично и обратно, таму каде директорите на ЈЗУ не се фокусирани на оваа реформа и имплементација на системот пациентите се најмалку задоволни. Посочи дека тие ЈЗУ ќе треба да работат сериозно на имплементација на препораките дадени од тимот на МојТермин во Министерството за здравство.

На прашањето Дали сте задоволни од услугата МојТермин и нејзиното функционирање, по повеќе различни параметри, појасни министерот, забележително е дека во секоја возрасна група, над 64 отсто од испитаните пациенти се задоволни од МојТермин, а најголемо е задоволството кај возрасната група од 36 до 45 години (70,5 отсто).

- Од аспект на етничката припадност, 66,7 отсто од испитаните Македонци се задоволни од услугата, а 76,8 отсто од испитаните Албанци се задоволни, додека кај другите етнички групи процентот е 61,7 отсто задоволни пациенти. Исто така, забележавме дека е најголемо задоволството кај пациентите од Скопје и од руралните населени места низ државата, рече Тодоров.

Истакна дека според резултатите од истражувањето, 69,6 отсто од испитаните пациенти сметаат дека докторите го почитуваат закажаното време за преглед во системот МојТермин, додека 30,4 отсто сметаат дека не се почитува закажаното време од страна на докторите. 

- Резултатите покажуваат дека пациентите сметаат дека најмногу се почитува закажаното време за преглед од страна на докторите на: Клиника за дерматологија, Општа болница Кичево, здравствените домови во Кратово, Кичево, Ростуше, Куманово и Македонски Брод. Голем дел од пациентите сметаат дека докторите го почитуваат времето за преглед и на клиниките за онкологија, за инфективни болести, за ендокринологија итн., потенцира Тодоров.

Од друга страна, нагласи, резултатите покажуваат дека најмалку се почитува закажаното време за преглед на клиниките за пулмологија, за неврологија, за урологија, во општите болница во Охрид и во Струга.

- Огромен дел од испитаниците (88,5 отсто) одговориле дека не се случило да дојдат на преглед, а докторот да не е присутен во амбуланта, без никакво претходно известување. За целокупното функционирање на системот МојТермин, потребно е не само почитување на закажаните термини од страна на докторите, туку и доследно почитување од страна на пациентите, истакна Тодоров.

Резултатите од спроведеното истражување на задоволството на пациентите од функционирањето на системот МојТермин, ќе бидат објавени и достапни на веб страната на Министерството за здравство. Истражувањата од ваков тип, појасни министерот, претставуваат добра можност за детектирање евентуални слабости во функционирањето, со цел да се фокусираме на нивно исправање и целокупно унапредување на системот.

- За потсетување, според рангирањето на Европскиот здравствен потрошувачки индекс, Република Македонија оствари напредок од 11 места за само една година, што е историски најголем напредок откако е воведено рангирањето,  а токму една од клучните реформи која нè искачи високо на европската скала е електронскиот систем МојТермин, рече Тодоров.

Додаде дека овој систем е оценет како уникатен систем и реформа што ја препорачуваат за имплементација во повеќе европски земји, имајќи предвид дека овозможува во реално време добивање на податоци за пациентите, докторите, здравствените услуги, кои се исклучително значајни за градењето на здравствената политика на државата.

Деталните податоци од анкетата може да ги погледнете тука

Линк – Анкета

Заменик министерот за здравство, Јовица Андовски, присуствува на регионалната конференција за подобрување на репродуктивното здравје во регионот, која се одржува од 27 до 29 мај во Софија, Република Бугарија, во организација на Фондот за население на Обединетите нации (УНФПА).

На конференцијата учествуваат високи претставници и експерти од повеќе земји од регионот на Источна Европа и Централна Азија. Фокусот на дискусиите ги опфаќа заложбите во областа на сексуалното и репродуктивно здравје во насока на постигнување одржлив развој, унапредување на здравствените услуги во оваа област, како и превенција од заболувања преку здрави животни стилови.

Обезбедување квалитетни, безбедни и евтини лекови, и поголема достапност до сите граѓани, се дел од целите на чие остварување заеднички работат Министерството за здравство и Агенцијата за лекови, истакна денеска министерот за здравство Никола Тодоров.

Тој обраќајќи се на Симпозиумот на Агенцијата за лекови и медицински помагала на Република Македонија, рече дека за таа цел се донесени законски измени за допрецизирање на одредени области од фармацевтската дејност.

Законските измени, посочи, се фокусирани на одредбите за интервентен увоз, промет со лекови преку интернет, времетраењето на одобрение за регистрација на хомеопатските и традиционалните хербални лекови, формирање стручно-советодавни комисии во рамки на Агенцијата, како и прецизно утврдување на надлежностите на Агенцијата за лекови и нејзиниот директор.

- Со овие законски измени овозможуваме подигнување на нивото на квалитет во процесот на производство и контрола на лековите, зајакнување на механизмот за контрола на лекови што немаат одобрение за ставање во промет, а воедно дефинирање на Агенцијата како регулаторно тело кое гарантира за безбедноста, квалитетот и сигурноста на сите лекови во државата, рече министерот Тодоров.

Еден од сегментите во кои овие две институции соработуваат, според Тодоров, е и ревизијата на цената на лековите, при што цената на лекот се утврдува со споредување со големопродажната цена на истиот лек во 12 референтни земји.

- На овој начин, почнувајќи од 1 февруари 2012 година извршивме вкупно 7 намалувања на цените на лековите и опфативме над 4.500 лекови, со што овозможуваме олеснување за пациентите од финансиски аспект, а истовремено и заштеди на средства во здравствениот систем кои потоа се пренаменуваат за други инвестиции во овој сектор, потенцира министерот за здравство.

Додаде дека се фокусирани и на унапредување на достапноста на лековите до секој граѓанин на државата, особено на жителите од руралните подрачја. Појасни оти по примерот на германскиот модел на отворање на супсидијарни аптеки, го вовеле проектот за рурални аптеки.

- На тој начин, овозможуваме аптеките кои веќе имаат финансиска исплатливост во некое подрачје, да се врзат со аптека во подрачје во кое нема толкава финансиска исплатливост, сè со цел да овозможиме поголема достапност на лековите во сите подрачја низ државата, рече Тодоров. 

Директорката на Агенцијата за лекови Марија Дарковска Серафимовска истакна дека институцијата со која таа раководи го гарантира квалитетот сигурноста и безбедноста на лековите кои се на пазарот и се грижи за нивна достапност до сите граѓани на територијата на Македонија.

- Одговорно тврдам дека нема потреба да се грижат за сето она што во Македонија влегува по легален пат. Лековите кои ги користат се сигурни, безбедни, квалитетни и проверени бидејќи секој лек поминува низ низа контроли пред да се најде во аптеките, рече Дарковска Серафимовска.

Додаде дека во во Макердонија се регистрирани над 4.000 лекови, но рече, листата постојано се менува бидејќи секојдневно стасуваат нови апликации за регистранција на нови лекови што рече, е особно добро кога станува збор за нови генерики нови достигнуваења во здравството и медицината.